Հայաստանը ներկայացնող Կարինա Ակոպովա–Նիկիտա Ռախմանին գեղասահքի սպորտային զույգը հաջողությամբ անցել է ձմեռային 25-րդ Օլիմպիական խաղերի որակավորման փուլը։
Կարճ ծրագրում մարզիկները վաստակել են 66.27 միավոր, ապահովել են առնվազն 16-րդ տեղը և ստացել ազատ ծրագրին մասնակցելու իրավունք։
Ազատ ծրագիրը կկայանա փետրվարի 16-ին։
Կարճ ծրագրում զույգը ելույթ ունեցավ Արա Գևորգյանի «Արցախ» ստեղծագործության հնչյունների ներքո, սակայն ստեղծագործության անվանումը չգրվեց, այն ներկայացվեց որպես «Արա Գևորգյանի երաժշտություն»:
Հիշեցնենք, Բաքվի բողոքից հետո ՄՕԿ-ը որոշել էր պահպանել ստեղծագործությունը, բայց հանել անվանումը:
